أريد تحضير درس نموذجي

السلام عليكم عزيزاتي
بما إنه قرّب العام الجديد فطالبتنكم عزيزاتي بتحضير أي درس عندكم بس يكون تحضير الدرس نموذجي
تكفون
بإنتظاركم

السلام عليكم
شوفى حبيبتى انا من مصر وهعرض عليكى التحضير بتاعنا وشوفى اذا كان هيفيدك فى حاجه
أولا احنا عندنا حاجه اسمها المحاور و توزيع الخطه الزمنيه بمعنى ان كل شهر يبقى فيه موضوع او موضوعين كبار تعطيهم على مدار الشهر بحيث كل موضوع يأخذ حقه فى الطرح والمناقشه مع الاطفال وكل يوم نتكلم عن جزء معين ومختلف عن الاخر ولكن الكل مرتبط بمحور الموضوع
مثلا شهر اكتوبر يتكلم عن العالم من حولى النهارده هنتكلم عن الاهل و الاقارب بكره الاصدقاء بعده ( لكل انسان بيئته التى ينتمى اليها ) بعده الوطن الذى نعيش فيه وهكذا حتى نهايه المده المحدده للمحور فى هذا الشهر
أما طريقة التحضير أولا فى حاجه اسمها فترة الاعداد او التهيئه وتشمل على
1) استقبال الاطفال وذلك بوجه بشوش و مبتسم كى يحس الطفل بالاطمئنان وتحرصى على القاء او رد التحيه بمناداة الطفل باسمه حتى يشعر انه قريب منك
2)أخبار الصباح بمعنى تسألى الطفل عن اى شىء يدور حوله واذا كان غايب بالامس تسأليه عن السبب وهكذا مع الحرص على اعطاؤه فرصه لحرية التعبير .......
3)التفتيش الصحى ودى بتتغير من سنه لسنه يعنى مره التوجيه يطلبها منك ومره لأ ولكن السنادى مطلوبه نظرا لظروف الوباء المنتشر فى العالم حفظكم الله
وهى تتضمن انك تقومى بتفقد الاطفال واذا وجد شىء يتم العرض على طبيب المدرسه او الزائره الصحيه
4)وجبة الافطار تتركى الاطفال فتره من الزمن كى يتناولوا وجبة الافطار وذلك بحضور الطبق والفوطه والكوب والصابونه مع توعيتهم بتعاليم الدين فى الاكل وكذلك السلوك الحسن
5) نشاط افتتاحى وهذا يرجعلك ممكن اعطاء الطفل بعض لوحات الالغاز ليحلها او بعض الممارسات الرياضيه الخفيفه
نبــــــــــــــــــــــدأ بعد ذلك انشطة المحور :
وهم يتضمنو 3 انشطه بحيث يكونوا مرتبطين بالمحور وفى اطار شرحه واعطاؤه
مثلا اذا كان المحور عن صحتى وسلامتى
يبقى معروف ان اول نشاط فى أى محور هو النشاط الموجه انك بتكلمى الطفل عن الموضوع وفوايده وهكذا ولا تنسى الوسيله
ثانى نشاط يكون مثلا من ركن الموسيقى نعطى الاطفال نشيد او اى اغنيه تتكلم عن النظافه غن الصحه
الثالث يكون مثلا ركن المكتبه نحكى فيه قصه متعلقه عن موضوع المحور
هذا بالنسبه للمحور وانشطته
اما باقى اليوم يبقى فيه ثلاث انشطه منها التعليمى واختارى انت اى نشاطين اخرين بحريتك وهم يسمو الانشطه الحره بمعنى انك انتى اللى بتتحكمى فى اختيارهم وما ليهم اى دعوه بالمحور
مثلا حركى ؛ فنى ؛.........
ثم الفتره الختاميه لليوم الدراسى وهى انك تختارى 5 اطفال من القايمه وتقيميهم فى انشطه اليوم ككل وتشوفى مدى استيعابهم للمواضيع اللى طرحت عليهم
ثم النشاط المنزلى وذلك فى الكتب أو الكراسات ( مع عدم اجبار الطفل على الكتابه ) يعنى كتب خير وبركه ما كتبش براحته لانه لسه مش مجبر على اى حاجه غير اللعب والحركه فقط
واخيرا الاستعداد للانصراف وتهيئه الفصل لليوم اللاحق
لا تنسى اختى ان كل نشاط ليه على الاقل هدفين فى التحضير ووسيلته وتقييم الطفل فيه

تحضيرى ازاااى ؟
شوفى يا ستى .
فتره الاعــــــــــــــــــــــداد
1) استقبال الاطفال
2)اخبار الصباح
3)التفتيش الصحى
4) وجبه الافطار
5)نشاط افتتاحى
المحور ؟........
الفكره الرئيسيه لليوم .......
1) نشاط موجه( يكتب بجانب كل نشاط المده الزمنيه له )
الأهداف 1-
2-
الوسيله:
التمهيد والاثاره : وذلك بطرح بعض الاسئله على الاطفال متعلقه بالموضوع قبل الدخول فى شرحه ثم عرض الوسيله
العرض ( شرح الموضوع بطريقه مبسطه ) لا يقل العرض عن سطرين
التقييم : تقييم اداء الطفل خلال النشاط
2) ركن 1.......(اختارى بنفسك اى ركن انتى شايفه انه يمس الموضوع او متعلق بيه )
الاهداف 1-
2-
الوسيله :
التمهيد والاثاره :
العرض :
التقييم:
3) ركن 2 ويكون طبعا مختلف عن سابقه ولكن مرتبط بالموضوع بمعنى اذا كان الركن الاول ركن البيئه فالثانى يكون الموسيقى ؛ المكتبه ؛........ ويكون متعلق بالموضوع ايضا
الانشــــــــــــطه الاخـــــــــرى
1) تعليمى ( يكتب بجانبه الفتره الزمنيه)
الاهداف : 1-
2-
الوسيله :
العرض
التقييم :
2) نشاط أو ركن 1 مختلف طبعا عن السابق وعن المحور ايضا لان انشطة المحور ثلاث فقط
الاهداف 1-
2-
الوسيله :
العرض:
التقييم:
3) ركن2 أو حسب ما تسموه نشاط
الاهداف 1-
2-
الوسيله:
العرض:
التقييم :
الفتـــــــــره الختــــــــــاميه
التقويم النهائى : تقويم 5 اطفال فى نهايه اليوم خلال الانشطه المعطاه
النشاط المنزلى : كتابه النشاط فى المنزل
الاستعداد للأنصراف : الاستعداد للأنصراف وتهيئه الفصل لليوم اللاحق
خليكى فاكره ان الانشطه اللى بعد التعليمى حره يعنى ما ليها دعوه بالمحاور وانتى اللى تختاريها فى برنامجك اليومى
وحنا عندنا فى مصر بنحضر الانشطه للبرنامج اليومى من خلال الاركان
وهم 9 أركان
1- ركن الفنون
2-ركن العلوم
3- ركن البيئه
4- ركن الاسره
5-ركن الموسيقى
6- ركن مسرح العرائس
7- ركن المكتبه
8- ركن المتحف
9-ركن الحل والتركيب
واحنا بنحضر انشطتنا منهم
ارجو ان اكون ساعدت اى اخت فى اى حاجه
اسفه للاطاله

احنا عندنا فى مصر (الاسكندرية )مافيش حاجة اسمها اركان دلوقتى فيه مراكز تعلم

ازيك يا وينكى
بصى باة يا ستى احنا كنا ماشيين زيكم فى بنى سويف فجاة التوجيه طلب تدريب للمعلمات الاوائل وبعدين قالو النا ان مافيش حاجة اسمها اركان الكلام ده من فريق التى او تى قولنا ماشى وبعدين راحو اقالو النا ان مراكز تعلم اتلغت حضروا اركان تانى وبعدين دلوقتى يا ستى احنا بنكتب فى التحضير النشاط: اركان(مركز العلوم مثلل ايه رايك؟ وسلامى لكل اهل بنى سويف

عايزة مبادرات ابداعية انفذها فى الروضة بتاعتى بس تكون سهلة التنفيذ

اسفة يا جماعة نسيت اقول لكم ان المراكز دى محل كلمة الاركان بس هما حبوا يغيروا فى الكلام وزودوها شوية عن الاركان بتاعة زمان وصلت لحوالى 12 مركزمنهم مركز الكتل الكبيرة اللى مندرج تحت مركز الرياضيات وفيه مركز اللعب بالماء وربنا بصبرنا والله على الناس دى كل شوية يغيروا لما هيجبوا لنا جنان

سلمت يداااااااااااااااااااااااااااااااااااااااااااااااااااكم

هلا وغلا اختي حياك بالنسبه للتحضير صار نموذج يعمل بداية السنه الدراسيه ويسمى التخطيط الفصلي وهو عباره عن خطة معلمة الروضة وتاخذه حسب الموضيع الموجودة في الوحده

شكرا كتير على الطرح الرائع كتير افدتينا ويا ريت تمدينا بكل الخبرات اللي عندك وبنكون مشكورات الك كتييييييير

شكرا جدا على الافاده دى
ياريت نكون متواصلين على طول مع بعض
رياض الاطفال عايز تجديد على طول وابتكارات كتير

تحت امرك يا جميل انتى تأمرى

اهلا لو سمحتوا ساعدوني انا اول سنه ادرس رياض اطفال واخذت منهج التعليم الموجه يعني الحروف والاعداد ونفسي بتحضير حلو تكفون

معاكى يا صدى الفكر انا ارسلت ليكى رساله على الخاص